2025-ci il aprelin 16-da Gürcüstan Prezidenti Mixeil Kavelaşvili Azərbaycana rəsmi səfər edib. Bu səfər, Azərbaycan–Gürcüstan münasibətlərinin inkişafında mühüm mərhələni təşkil edir. Görüş zamanı tərəflər arasında siyasi, iqtisadi və humanitar sahələrdə əməkdaşlığın dərinləşdirilməsi, regional təhlükəsizlik məsələləri və gələcək layihələr müzakirə olunub. Azərbaycan və Gürcüstan arasında dostluq və qardaşlıq əlaqələri əsrlər boyu mövcuddur. Ümummilli lider Heydər Əliyevin rəhbərliyi dövründə bu əlaqələr strateji tərəfdaşlıq səviyyəsinə yüksəlib. Prezident İlham Əliyev və Prezident Mixeil Kavelaşvili, bu əlaqələrin möhkəm təməllərə dayandığını və hər iki xalqın rifahı naminə daha da inkişaf etdirilməsinin vacibliyini vurğulayıblar. İki ölkə arasında həyata keçirilən birgə enerji layihələri, regional enerji təhlükəsizliyinin təmin olunmasında mühüm rol oynayır. Bakı–Tbilisi–Ceyhan neft kəməri, Bakı–Tbilisi–Ərzurum qaz kəməri və Cənub Qaz Dəhlizi kimi layihələr, həmçinin Bakı–Tbilisi–Qars dəmir yolu, Azərbaycan və Gürcüstanın Avropa ilə əlaqələrinin gücləndirilməsinə xidmət edir. Prezident İlham Əliyev, bu layihələrin uğurla həyata keçirilməsinin hər iki ölkənin iqtisadiyyatına müsbət təsir etdiyini qeyd edib. Azərbaycan, Gürcüstanın ən iri ticarət tərəfdaşlarından biridir. İki ölkə arasında ticarət dövriyyəsinin artırılması, qarşılıqlı investisiyaların təşviqi və birgə biznes layihələrinin həyata keçirilməsi istiqamətində müzakirələr aparılıb. Prezidentlər, iqtisadi əlaqələrin daha da dərinləşdirilməsi üçün konkret addımların atılmasının vacibliyini qeyd ediblər.Azərbaycan və Gürcüstan, beynəlxalq təşkilatlar çərçivəsində bir-birinin ərazi bütövlüyünü dəstəkləyir və qarşılıqlı maraqlar əsasında əməkdaşlıq edirlər. Prezident İlham Əliyev, iki ölkə arasındakı siyasi münasibətlərin digər qonşu dövlətlər üçün nümunə təşkil etdiyini bildirib. Həmçinin, regional təhlükəsizlik məsələləri və qarşılıqlı maraq doğuran digər məsələlər üzrə əməkdaşlığın genişləndirilməsi müzakirə olunub. İki ölkə arasında təhsil, mədəniyyət və turizm sahələrində əməkdaşlığın inkişaf etdirilməsi, xalqlar arasında qarşılıqlı anlayışın və dostluğun möhkəmləndirilməsi məqsədilə birgə layihələrin həyata keçirilməsi qərara alınıb. Prezidentlər, gənclər arasında təcrübə mübadiləsinin təşviqinin vacibliyini vurğulayıblar. Azərbaycan və Gürcüstan arasında əlaqələrin gələcək inkişafı üçün birgə fəaliyyət planı hazırlanıb. Bu plan çərçivəsində enerji, nəqliyyat, ticarət, təhsil və mədəniyyət sahələrində konkret layihələrin həyata keçirilməsi nəzərdə tutulur. Prezidentlər, bu layihələrin hər iki ölkənin inkişafına və regionda sabitliyin təmin olunmasına töhfə verəcəyini qeyd ediblər. Prezident Mixeil Kavelaşvilinin Azərbaycana rəsmi səfəri, Azərbaycan–Gürcüstan münasibətlərinin strateji tərəfdaşlıq səviyyəsinə yüksəldiyini və bu əlaqələrin gələcəkdə daha da inkişaf etdiriləcəyini nümayiş etdirir. Hər iki ölkə, qarşılıqlı maraqlar əsasında əməkdaşlıq edərək, regional və beynəlxalq səviyyədə sabitliyin və rifahın təmin olunmasına yönəlmiş birgə fəaliyyətlərini davam etdirəcəklər.
İlham Quliyev,
Yeni Azərbaycan Partiyası, məsləhətçi
