Azərbaycanın müasir tarixində Heydər Əliyevin xilaskarlıq missiyası xüsusi əhəmiyyətə malikdir. Dövlət müstəqilliyinin təhlükə altında olduğu bir dövrdə onun hakimiyyətə qayıdışı ölkənin gələcək taleyini müəyyənləşdirən mühüm hadisəyə çevrildi. Ulu Öndərin qətiyyəti və uzaqgörən siyasəti Azərbaycanı böhrandan çıxararaq inkişaf yoluna yönəltdi.
1993-cü ildə ölkədə ictimai-siyasi vəziyyət olduqca gərgin idi. İqtisadi böhran dərinləşmiş, hərbi sahədə uğursuzluqlar artmış, dövlət idarəçiliyində ciddi problemlər yaranmışdı. Azərbaycan parçalanmaq və müstəqilliyini itirmək təhlükəsi ilə üz-üzə qalmışdı.
Belə bir zamanda xalqın təkidli tələbi ilə Heydər Əliyev Bakıya gəldi və ölkənin xilası naminə məsuliyyəti öz üzərinə götürdü. O, ilk növbədə daxili sabitliyin təmin edilməsinə və vətəndaş qarşıdurmasının qarşısının alınmasına nail oldu.
Ulu Öndərin rəhbərliyi ilə dövlət quruculuğu prosesinə start verildi. Dövlət institutları gücləndirildi, qanunçuluq bərpa olundu və idarəetmə sistemi təkmilləşdirildi. Bu addımlar Azərbaycanın gələcək inkişafının əsasını təşkil etdi.
Heydər Əliyev yalnız mövcud problemləri həll etməklə kifayətlənmədi, həm də uzunmüddətli inkişaf strategiyası müəyyənləşdirdi. Onun müəyyən etdiyi siyasi və iqtisadi kurs ölkənin davamlı inkişafına şərait yaratdı.
Bu gün Azərbaycanın əldə etdiyi uğurların təməlində məhz həmin dövrdə görülən işlər dayanır. Güclü dövlət quruculuğu, iqtisadi inkişaf və beynəlxalq nüfuzun artması Ulu Öndərin siyasətinin nəticəsidir.
Heydər Əliyevin xilaskarlıq missiyası xalqımız tərəfindən böyük ehtiramla xatırlanır. Onun adı Azərbaycanın müstəqilliyini qoruyan və gələcəyini müəyyənləşdirən dahi lider kimi tarixdə əbədi yaşayacaqdır.
Lalə Həsənova,
YAP Nizami rayon təşkilatının fəalı
