Azərbaycan Respublikasının Prezidenti, Müzəffər Ali Baş Komandan İlham Əliyevin Naxçıvan Muxtar Respublikasına səfəri Naxçıvanın sosial-iqtisadi inkişafı, şəhərsalma və infrastruktur layihələrinin genişləndirilməsi baxımından mühüm əhəmiyyət daşıyır.
Naxçıvan Azərbaycanın qədim dövlətçilik və mədəniyyət tarixində xüsusi yer tutan, strateji əhəmiyyətə malik bölgələrindən biridir. Dövlətimizin başçısının Naxçıvana göstərdiyi xüsusi diqqət və qayğı bu qədim diyarın hərtərəfli inkişafının dövlət siyasətinin mühüm istiqamətlərindən biri olduğunu bir daha nümayiş etdirir.
Prezident İlham Əliyevin səfəri çərçivəsində Naxçıvan şəhərində həyata keçirilən mühüm layihələrə baxış keçirilib. Dövlətimizin başçısı “Naxçıvan şəhərinin 2044-cü ilədək inkişafına dair Baş Plan” ilə tanış olub. Baş Plan Naxçıvanın uzunmüddətli inkişaf perspektivlərinin müəyyənləşdirilməsi, müasir şəhər infrastrukturu, nəqliyyat, yaşayış və ictimai məkanların inkişafı baxımından mühüm əhəmiyyət daşıyır.
Səfər zamanı Prezident İlham Əliyev “Naxçıvan” Mehmanxana Kompleksinin təməlqoyma mərasimində iştirak edib. Bu layihənin həyata keçirilməsi Naxçıvanın turizm potensialının daha da artırılmasına, şəhərin müasir turizm infrastrukturunun inkişafına və regionun iqtisadi imkanlarının genişləndirilməsinə töhfə verəcək.
Dövlətimizin başçısı Naxçıvanda tarixi-mədəni irsin qorunmasına da xüsusi diqqət yetirib. Prezident İlham Əliyev Möminə xatun türbəsində aparılan bərpa işləri ilə tanış olub. Bu, Azərbaycanın zəngin tarixi-mədəni irsinin qorunması və gələcək nəsillərə çatdırılması istiqamətində dövlət siyasətinin ardıcıl şəkildə həyata keçirildiyini göstərir.
Səfər çərçivəsində Naxçıvan şəhərində “Əcəmi seyrangahı” istirahət kompleksində memar Əcəmi Naxçıvaninin abidəsinin açılışı da mühüm hadisələrdən biri olub. Bu layihə Naxçıvanın tarixi-mədəni irsinin yaşadılması, görkəmli memar Əcəmi Naxçıvaninin irsinin təbliği və şəhərin ictimai-mədəni mühitinin zənginləşdirilməsi baxımından diqqətəlayiqdir.
Səfərin mühüm istiqamətlərindən biri də əhalinin sosial rifahının yaxşılaşdırılmasıdır. Prezident İlham Əliyev Naxçıvan şəhərində sosial evlər kompleksinin təməlini qoyub. Sosial layihələrin həyata keçirilməsi dövlətin vətəndaşların rifahına, sosial müdafiəsinə və layiqli yaşayış şəraitinin təmin olunmasına yönəlmiş siyasətinin mühüm tərkib hissəsidir.
Naxçıvanın inkişafı yalnız ayrı-ayrı layihələrlə məhdudlaşmır. Burada həyata keçirilən tədbirlər şəhərin iqtisadi potensialının artırılması, müasir infrastrukturun formalaşdırılması, turizm imkanlarının genişləndirilməsi, tarixi-mədəni irsin qorunması və əhalinin sosial rifahının yüksəldilməsi kimi çoxşaxəli məqsədləri əhatə edir.
Prezident İlham Əliyevin Naxçıvana səfəri bir daha göstərir ki, qədim diyarın davamlı inkişafı, onun müasir və abad yaşayış məkanına çevrilməsi dövlət siyasətinin prioritet istiqamətlərindəndir. Naxçıvanın inkişafına yönəlmiş layihələr bölgənin gələcək iqtisadi və sosial potensialının daha da gücləndirilməsinə xidmət edir.
Bu səfər həm də dövlətimizin başçısının Naxçıvana diqqət və qayğısının növbəti bariz nümunəsidir. Naxçıvanın qədim tarixi, zəngin mədəni irsi və strateji əhəmiyyəti nəzərə alınaraq burada həyata keçirilən genişmiqyaslı quruculuq işləri Azərbaycanın ümumi inkişaf strategiyasının mühüm hissəsini təşkil edir.
Səbinə Həsənova,
YAP-ın fəalı
