Prezident İlham Əliyevin 11 avqust 2026-cı ildə Naxçıvana səfəri təkcə iqtisadi deyil, həm də mənəvi və tarixi əhəmiyyət daşıyır. Naxçıvanın zəngin tarixi və mədəniyyəti, o cümlədən memarlıq irsi Azərbaycan xalqının milli kimliyinin ayrılmaz hissəsidir. Dövlət başçısı qeyd etmişdir ki, həyata keçirilən bütün sosial-iqtisadi işlərin təməlində bizim milli ruhumuz, dilimiz, ədəbiyyatımız və tariximiz dayanır. Naxçıvan xalqımıza dahi şəxsiyyət Heydər Əliyev kimi Ulu Öndər və bir çox görkəmli şəxsiyyətlər bəxş etmişdir.
Naxçıvan qədim Atabəylər dövlətinin paytaxtı olmuşdur və o dövrə aid abidələr bu gün də dünya əhəmiyyətli mədəniyyət nümunələri sayılır. Prezident İlham Əliyevin diqqət mərkəzində olan əsas məsələlərdən biri məhz bu tarixi-mədəni abidələrin qorunması və bərpasıdır. Səfər çərçivəsində dövlət başçısına tarixi irsin incilərindən olan Möminə xatun məqbərəsinin bərpası ilə bağlı görülən işlər barədə geniş məlumat təqdim edilmişdir.
Məşhur naxçıvanlı memar Əcəmi Naxçıvaninin şərəfinə abidə ucaldılması dövlətin sənətkara verdiyi ali qiymətin təzahürüdür. O abidənin arxasında memarın ölməz əsəri olan Möminə xatun məqbərəsi qərarlaşır. Prezident İlham Əliyevin rəhbərliyi ilə digər tarixi-mədəni obyektlərin konservasiyası və bərpası da nəzərdə tutulur. Bu tarixi irsin qorunması təkcə Naxçıvanın deyil, bütövlükdə Azərbaycanın mədəni sərvətinin gələcək nəsillərə ötürülməsi deməkdir.
Mədəni irsin qorunması həm də turizm potensialının inkişafına birbaşa xidmət edir. Naxçıvanın zəngin turizm potensialı, gözəl təbiəti, təmiz havası və mənzərəli yerləri böyük perspektivlər vəd edir. Lakin turizmin inkişafını əngəlləyən mehmanxana çatışmazlığını həll etmək üçün Prezident İlham Əliyevin iştirakı ilə şəhərin mərkəzində 2028-ci ildə hazır olacaq beşulduzlu yeni mehmanxananın təməli qoyulmuşdur. Azərbaycan xalqı xoşbəxtdir ki, öz tarixi, mədəniyyəti və görkəmli şəxsiyyətləri ilə daim fəxr edə bilir.
Bahadur Şahverdiyev,
YAP Nizami rayon təşkilatının “Oqtay Vəliyev küçəsi, 72 ” ərazi partiya təşkilatının sədri
