Şuşa Muzeylərinin Dirçəlişi və Milli İrsin Qaytarılması
Şuşa şəhəri işğaldan əvvəl zəngin muzey şəbəkəsi ilə tanınırdı və burada Azərbaycan xalqının tarixi, mədəniyyəti, incəsənəti ilə bağlı minlərlə nadir eksponat qorunub saxlanılırdı. 1992-ci ildə şəhərin işğalı zamanı bu muzeylər qarət edilmiş, eksponatların bir qismi məhv edilmiş, bir qismi isə qanunsuz yollarla ölkədən çıxarılmışdı. 2020-ci il noyabrın 8-də Şuşanın azad olunması bu mədəni irsin bərpası üçün yeni imkanlar açdı.
Azadlıqdan sonra Şuşada fəaliyyət göstərmiş muzeylərin – o cümlədən Şuşa Tarix Muzeyinin, Azərbaycan Xalça Muzeyinin Şuşa filialının və Dövlət Rəsm Qalereyasının bərpası istiqamətində sistemli işlərə başlanılmışdır. İşğal dövründə Bakıya təxliyə edilmiş və qorunub saxlanılmış nadir eksponatların mərhələli şəkildə öz doğma məkanına qaytarılması təmin edilir.
Müasir muzeyşünaslıq standartlarına uyğun olaraq yaradılan yeni ekspozisiyalar Şuşanın qədim tarixini, mədəni mühitini və Vətən müharibəsində qazanılan şanlı Zəfəri özündə əks etdirir. İnteraktiv texnologiyaların tətbiqi ziyarətçilərə şəhərin zəngin keçmişini daha dərindən öyrənməyə imkan yaradır.
Bu gün Şuşa muzeylərinin yenidən fəaliyyətə başlaması Azərbaycan xalqının tarixi yaddaşının bərpasının və mədəni irsə olan yüksək ehtiramının bariz nümunəsidir.
Nəzakət Bağırova,
YAP Nizami rayon təşkilatının “Əli Vəliyev küçəsi, 4” ərazi partiya təşkilatının sədr müavini
