Azərbaycanın Türk Dövlətləri Təşkilatı çərçivəsində fəaliyyəti siyasi, iqtisadi, nəqliyyat, enerji və humanitar istiqamətlərlə yanaşı, təhlükəsizlik sahəsini də əhatə edir. Prezident İlham Əliyevin 17 sentyabr tarixində TDT ölkələrinin təhlükəsizlik strukturlarının rəhbər şəxslərini qəbul etməsi bu əməkdaşlığın yüksək səviyyədə davam etdiyini göstərir. Görüş Bakıda Təhlükəsizlik Şuraları katiblərinin Beşinci Toplantısı çərçivəsində baş tutub.
Azərbaycanın coğrafi mövqeyi təhlükəsizlik məsələlərinə kompleks yanaşmanı zəruri edən amillərdən biridir. Ölkə Avropa və Asiyanı birləşdirən nəqliyyat və enerji marşrutlarının üzərində yerləşir. Buna görə regional sabitlik Azərbaycanın iqtisadi və logistika layihələrinin davamlılığı ilə birbaşa əlaqəlidir. Prezident İlham Əliyevin çıxışında nəqliyyat və enerji təhlükəsizliyi ilə ümumi təhlükəsizlik arasında əlaqənin xüsusi vurğulanması bu yanaşmanın siyasi mahiyyətini ortaya qoyur.
TDT daxilində təhlükəsizlik əməkdaşlığı yalnız təhlükələrin aradan qaldırılmasına deyil, həm də onların qabaqlanmasına yönələn mexanizmlərin inkişafını nəzərdə tutur. Prezident İlham Əliyev mümkün təhdidlərin qarşısının alınması və profilaktikasında koordinasiyanın vacibliyini qeyd edib. Bu yanaşma təhlükəsizlik sahəsində əməkdaşlığın preventiv xarakter daşımasının əhəmiyyətini göstərir.
Bakı toplantısının əhəmiyyəti həm də ondan ibarətdir ki, burada müxtəlif ölkələrin təhlükəsizlik strukturları arasında birbaşa təmaslar üçün imkan yaranır. Belə platformalar dövlətlərin təcrübələrini bölüşməsinə və ümumi çağırışlara dair fikir mübadiləsi aparmasına şərait yaradır. Prezident İlham Əliyevin qəbul zamanı səsləndirdiyi fikirlər Azərbaycanın bu prosesdə koordinasiya və qarşılıqlı əməkdaşlıq yanaşmasını dəstəklədiyini göstərir.
Sülhanə Nəsibova,
YAP Nizami rayon təşkilatının “Bəkir Çobanzadə küçəsi, 345” ərazi partiya təşkilatının sədr müavini
