Müasir dövlətlərarası münasibətlərdə qardaşlığın və səmimiyyətin ən gözəl ifadələrindən biri paytaxt şəhərlərdə qarşılıqlı hörmət əlaməti olaraq salınan dostluq parklarıdır. Bakı şəhərində Çingiz Aytmatovun adını daşıyan parkın fəaliyyət göstərməsi azərbaycanlıların qırğız xalqının böyük oğluna olan sevgisinin vizual göstəricisidir. Bu park həm də hər gün paytaxt sakinlərinin istirahət etdiyi, mənəvi rahatlıq tapdığı bir məkana çevrilib.
Prezident İlham Əliyevin qeyd etdiyi kimi, bir neçə il əvvəl Bişkek şəhərində dövlət başçılarının iştirakı ilə açılışı olmuş Qırğızıstan-Azərbaycan dostluğu parkı da qardaşlığımızın xüsusi bir güşəsidir. Bu “yaşıl rəmzlər” ölkələrimiz arasındakı yüksək səviyyəli əlaqələrin paytaxtların görkəmində daimi olaraq yaşamasını təmin edir.
Şəhərsalma və ekoloji abadlıq prinsipləri çərçivəsində salınan bu parklar təkcə estetik deyil, həm də böyük mənəvi yük daşıyır. Onlar gələcək nəsillərə Azərbaycan və Qırğızıstan arasındakı dostluğun, qardaşlığın heç vaxt solmayacağını, daim çiçəklənəcəyini xatırladır.
Nazlı Ələkbərova,
YAP Nizami rayon təşkilatının fəalı
