Azərbaycan Respublikasının Silahlı Qüvvələri Günü hər il böyük təntənə ilə qeyd edilir. Bu gün xalqımızın ordusuna olan sevgisinin və etimadının ifadəsidir.
Azərbaycan Ordusu müstəqilliyimizin qorunmasında və dövlətçiliyimizin möhkəmləndirilməsində mühüm rol oynayır. Güclü ordu güclü dövlət anlayışının əsas sütunlarından biridir.
Ordu quruculuğu sahəsində həyata keçirilən tədbirlər Silahlı Qüvvələrimizin inkişafına böyük töhfələr vermişdir. Müasir texnologiyalar və peşəkar kadrlar ordumuzun gücünü artırmışdır. Azərbaycan xalqı hər zaman öz ordusunun yanında olmuşdur. Bu dəstək hərbi qulluqçularımızın mənəvi ruhunun yüksəlməsinə səbəb olmuşdur.
2020-ci ildə baş vermiş Vətən müharibəsində xalq-ordu birliyi özünü ən yüksək səviyyədə göstərmişdir. Bu birlik qələbənin əsas amillərindən biri olmuşdur.
Azərbaycan əsgəri Vətən sevgisi və döyüş ruhu ilə böyük uğurlara imza atmışdır. Onların qəhrəmanlığı tariximizin şanlı səhifələrində yer almışdır.
Şəhidlərimizin və qazilərimizin göstərdikləri fədakarlıq xalqımızın qürur mənbəyidir. Onların xidmətləri heç zaman unudulmayacaqdır.
Bu gün də Azərbaycan Ordusu öz döyüş hazırlığını daha da artırır. Yeni nailiyyətlər üçün mühüm addımlar atılır.
Silahlı Qüvvələr Gününün qeyd olunması xalq-ordu birliyinin tarixi qələbələrin əsasını təşkil etdiyini bir daha sübut etmişdir.
Sədaqət Hacıyeva,
YAP Nizami rayon təşkilatının mühasibi
