Azərbaycan Prezidenti İlham Əliyev: “Azərbaycanın Mərkəzi Asiya ölkələri ilə ticarət dövriyyəsi ötən il 50 faizdən çox artıb.”
Oktyabrın 8-də Türkmənistanda keçirilən Məşvərat görüşü iqtisadi əlaqələrin dərinləşməsi üçün mühüm platformaya çevrilib. Prezident İlham Əliyev tədbirdəki çıxışında ölkəmizin Mərkəzi Asiya dövlətləri ilə iqtisadi tərəfdaşlığının uğurlarını diqqətə çatdırıb. Dövlət başçısının qeyd etdiyi kimi, son illər ərzində qarşılıqlı ticarət həcmində dinamik artım müşahidə olunur. Xüsusilə vurğulanıb ki, Azərbaycanın Mərkəzi Asiya ölkələri ilə ticarət dövriyyəsi ötən il 50 faizdən çox artıb. Bu yüksək göstərici iqtisadi potensialın reallaşdırılması istiqamətində atılan addımların nəticəsidir. İkitərəfli iqtisadi əlaqələrin şaxələndirilməsi üçün geniş imkanlar mövcuddur. Sahibkarlar üçün əlverişli şəraitin yaradılması işgüzar fəallığı artırır. Birgə sərmayə fondlarının yaradılması layihələrin maliyyələşdirilməsini asanlaşdırır. Sənaye və kənd təsərrüfatı sahələrində kooperasiya əlaqələri genişlənir. Ərzaq təhlükəsizliyinin təmin olunmasında qarşılıqlı təchizat zəncirləri mühüm rol oynayır. Kiçik və orta biznes subyektləri arasında birgə təşəbbüslər dəstəklənir.
Qarşılıqlı investisiyaların qoyuluşu üçün əlverişli biznes mühiti mövcuddur. Enerji sektorunda həyata keçirilən layihələr iqtisadi əməkdaşlığın lokomotividir. Türkmənistan və Qazaxıstan neftinin Azərbaycan ərazisindən tranziti uğurla həyata keçirilir. Tranzit həcmlərinin artması bütün tərəflərin ümumi maraqlarına cavab verir. Xam neft və qaz təchizatı ilə yanaşı, qeyri-neft sektorunda da tərəfdaşlıq güclənir. İdxal-ixrac əməliyyatlarının sadələşdirilməsi ticarətin həcmini daha da artırır. Gömrük prosedurlarının rəqəmsallaşdırılması işləri sürətləndirir. Logistik mərkəzlərin və ticarət evlərinin açılması əlaqələri stimullaşdırır.
Azərbaycan regionda mühüm ticarət və logistika qovşağına çevrilib.Mərkəzi Asiya ölkələri bu imkanlardan yararlanaraq dünya bazarlarına çıxış əldə edirlər. Qarşılıqlı iqtisadi etimad mühiti uzunmüddətli layihələrin uğurunu şərtləndirir. İnnovativ texnologiyaların tətbiqi istehsal proseslərinin səmərəliliyini artırır. Rəqəmsal iqtisadiyyat sahəsində təcrübə mübadiləsi aparılır. E-ticarət platformalarının inteqrasiyası istiqamətində işlər görülür.Bank-maliyyə sektorunda əməkdaşlıq əlaqələri genişləndirilir.Valyuta əməliyyatlarında milli valyutalardan istifadə imkanları müzakirə olunur.
Turizm xidmətlərinin keyfiyyətinin artırılması iqtisadiyyata əlavə gəlir gətirir. Birgə turizm marşrutlarının yaradılması səyahətçilər üçün böyük maraq doğurur. İnfrastruktur layihələrinə yatırılan investisiyalar iqtisadi bütövlüyü gücləndirir.
Region ölkələrinin iqtisadi artım templəri qlobal miqyasda da diqqət çəkir.Azərbaycanın təşəbbüskarı olduğu qlobal layihələr iqtisadi xəritəni dəyişir. Mərkəzi Asiya ilə tərəfdaşlıq ölkəmizin ixrac coğrafiyasını genişləndirir. Yerli istehsalçılarımız üçün yeni bazarların qapıları açılır. İqtisadi sahədə əldə edilən nailiyyətlər sosial rifahın yüksəlməsinə xidmət edir. İş yerlərinin yaradılması və məşğulluğun təmin olunması prioritet məsələdir. Dövlət başçılarının siyasi iradəsi iqtisadi əlaqələrin inkişafına təminat verir. Türkmənbaşı zirvəsində qəbul edilən qərarlar ticarət əlaqələrini daha da gücləndirəcək. Gələcəkdə ticarət dövriyyəsinin həcminin dəfələrlə artması gözlənilir. İqtisadi inteqrasiya Azərbaycan və Mərkəzi Asiya dövlətlərinin gücünə güc qatır.
Avilov Tunar,
Nizami rayonunun fəal gənci, BDU-nun tələbəsi
