Prezident İlham Əliyevin II Azərbaycan Beynəlxalq İnvestisiya Forumunda beynəlxalq investorların suallarını cavablandırması forum formatının yalnız təqdimat xarakterli olmadığını göstərir. Rəsmi məlumata görə, Prezident forum çərçivəsində keçirilən sessiyada iştirak edib və moderator Adebayo Ogunlesinin suallarını cavablandırıb.
Belə platformaların iqtisadi əhəmiyyəti dövlətin investisiya siyasəti ilə biznesin gözləntilərinin birbaşa müzakirəsinə imkan verməsidir. İnvestor üçün ölkənin yalnız rəsmi statistikası deyil, hökumətin prioritetləri, gələcək layihələri və iqtisadi siyasətin istiqamətləri barədə məlumat da əhəmiyyətlidir.
II Azərbaycan Beynəlxalq İnvestisiya Forumunda Prezident İlham Əliyevin enerji, logistika, rəqəmsal iqtisadiyyat, kənd təsərrüfatı və insan kapitalı kimi müxtəlif məsələlər üzrə sualları cavablandırması bu dialoqun geniş mövzu dairəsini göstərir. Forumun rəsmi müraciətində də müxtəlif sektorlar üzrə konkret investisiya imkanları sadalanır.
İnvestisiya forumlarının uzunmüddətli iqtisadi nəticəsi onların yalnız tədbir kimi keçirilməsi ilə deyil, forumda səsləndirilən layihələrin sonrakı mərhələdə reallaşması ilə müəyyən olunur. Bu baxımdan Prezident İlham Əliyevin II Azərbaycan Beynəlxalq İnvestisiya Forumunda investorlarla birbaşa dialoqu investisiya diplomatiyasının bir aləti kimi nəzərdən keçirilə bilər. Əsas iqtisadi göstərici isə bu dialoqun konkret müqavilə, layihə və real kapital qoyuluşlarına necə çevrilməsidir.
Tariyel Əkbərov,
YAP Nizami rayon təşkilatının “M.Şərifli küçəsi, 3” ərazi partiya təşkilatının sədri
