Ölkəmizin paytaxtında və bölgələrində fəaliyyət göstərən muzeylərdə Azərbaycanın müxtəlif dövrlərinə aid bayraq nümunələri böyük ehtiramla qorunub saxlanılır. Tarix muzeylərinin ekspozisiyalarında yer alan bu eksponatlar keçmişin şanlı səhifələrini ziyarətçilərə səssiz şəkildə danışır. Həmin köhnəlmiş, lakin mənəvi dəyəri ölçüyəgəlməz olan bayraqlar xalqımızın yaddaş arxividir.
Muzey əməkdaşları bu qiymətli eksponatların qorunması və gələcək nəsillərə çatdırılması üçün xüsusi bərpa və mühafizə işləri həyata keçirirlər. Gənclərin və məktəblilərin muzeylərə təşkil olunan ekskursiyaları zamanı onlara bu tarixi bayraqların hekayəsi ətraflı izah olunur. Keçmişin izlərini daşıyan bu parçalar gənclərdə tarixi keçmişə qarşı dərin hörmət oyadır.
Cümhuriyyət dövrünə və sovet repressiya illərinə aid edilən nadir bayraq nümunələri xalqımızın keçdiyi keşməkeşli yolların şahididir. Bu muzeylərə gələn hər bir vətəndaş tariximizin nə qədər zəngin və çətin olduğunu bir daha dərk edir. Bayraq muzeylərdə sadəcə qorunmur, o, həm də gələcəyə dərslər verir.
Tarixi yaddaşın fiziki daşıyıcısı olan bu muzey eksponatları xalqımızın milli kimliyinin toxunulmazlığını sübut edir. Keçmişin bayraqları bugünkü zəfər bayraqlarımızın təməlində dayanır. Muzeylərdə qorunan bu irs xalqımızın əbədiyaşarlığının təminatıdır.
Sədaqət Hacıyeva,
YAP Nizami rayon təşkilatının mühasibi
